Nakairekord ti +44 net satisfaction rating ni Vice President Sara Duterte iti baro a survey nga inruar ti Social Weather Stations (SWS) para ti bulan ti Hunyo, 2024, wenno maikadua a paset ti tawen; nababbaba ngem iti +63 rating na idi bulan ti Marso.
Nakalanad daitoy iti survey idi Hunyo 23 agingga Hulyo 1, 2024, babaen iti face-to-face interviews kadagiti 1,500 adults ditoy intero a pagilian.
600 kadagiti nadamag ket manipud Balance Luzon wenno Luzon outside Metro Manila ken tig-300 idiay Metro Manila, Visayas, ken Mindanao.
Ti +44 net satisfaction rating a “good” nga naala ni Duterte, nakakabil a 65% kadagiti nadamag ket maragsakan ti performance na idinti a ti 21% ket saan.
Rumrumuar pay iti survey a bimmaba ni Duterte iti tunggal Rehiyon: +32 idiay Metro Manila manipud iti +49 idi Marso; +31 idiay Balance Luzon manipud iti +55; +47 idiay Visayas manipud iti +69; ken +73 idiay Mindanao manipud iti +80 idi Marso.
Kabayatanna, nakairekord met ni Senate Presidente Francis Escudero para iti umuna na a net satisfaction rating ti SWS iti +47.
Idi napalabas laeng nga Mayo idi nagtugaw kas lider ti Senado ni Escudero kalpasan a sublaten ni Senador Juan Miguel Zubiri.
Manipud iti +13 idi Marso, ngimmato iti +29 iti net satisfaction rating ni Speaker Martin Romualdez daitoy Hunyo.
Ngimmato pay ti net satisfaction rating ni Chief Justice Alexander Gesmundo iti +31 manipud iti sigud nga +13.
