BR LA UNION – Maipagarop a pimmuslit iti alad ti pagadalan ken saan nga iti gate a nagna dagiti dua a menor de edad a karaman iti pammaltog idiay San Jose National High School idiay Tacloban City.
Segun kenni DepEd Undersecretary for Operations Malcolm Garma, napateg nga agnayon ti seguridad dagiti pagadalan kalpasan ti trahedya.
Gaputi insidente, impaganetget ni Garma a nangiruar da ti allagaden tapno mairutan ti security measures kadagiti pagadalan, kasaruno ti pammaltog idiay Nueva Ecija idi napalabas a tawen.
Kabilang iti ad-adalen ita ti DepEd ket ti panangingato ti alad dagiti pagadalan ken panangimuntar ti metal detectors tapno masiguro a saan makastrek dagiti armas iti uneg dagiti eskuwelaan.
Ti nasao nga addang ket paset ti mas nalawlawa a panagbantay ti DepEd para iti kinatalged dagiti estudyante ken mangisursuro, kagiddan ti panawagan iti publiko nga agtalinaed a nasipot ken makikaysa iti kinakapya iti institusyon pang-edukasyon.
