LA UNION – Naliday ti paskua iti pamilya dagiti tallo a pulis kalpasan a natay dagitoy ti pannakalmes gaputi pannaka-pattog ti nagluganan da a bangka bayat ti panagballasiw iti karayan idiay Calanasan, Apayao.
Napasamak ti insidente idi Disyembre 7, ngem narekobre ti bangkay dagiti tallo idi Disyembre 8 iti nasao met laeng a lugar.
Dagiti biktima ket nabigbig nga isuda: Patrolman Resty Bayog ti Kalinga, Halteric Pallat ti Apayao, ken John Lorenzo Togay-an Jr. ti Benguet.
Dagiti lima a pulis met laeng a kakadwa dagiti biktima agraman ti bangkero ket nakalasat iti insidente.
Maibasar iti report, dagiti nasao a pulis ket mapan da koma iserbi ti warrant of arrest maikontra iti suspek ti pammaltog, idi napattog ti nagluganan dagitoy a bangka.
Iti inisyal nga imbestigasyon ti pulisiya, napattog ti bangka gaputi napegges nga ayos iti Apayao river gaputi nmapaspasaran a panagtudtudo iti nasao a lugar.
Naiyawiden iti lugar da, iti bangkay dagiti nasao a pulis.
