LA UNION – Malamlamayan ita ti maysa a barangay tanod a natay kabayatan nga agrunronda idiay Balaoan-Santol road ti Barangay Butubot Sur, ili ti Balaoan, La Union.
Nabigbig ti biktima a ni Emilio Orprecio Jr., residente ti nasao a lugar.
Naammuan ti Bombo Radyo manipud ti Balaoan Police Station, maipagarup a nakabisekleta nga agrunronda ti nasao a tanod idi a natinnag daytoy iti kanal idi rabii.
Maysa a landok ti nagdisuan iti tengnged ti biktima a puon iti maipagarup a nakatayan daytoy.
