LA UNION – Natay iti maysa a barangay tanod kalpasan a pinaltugan ti maysa a tricycle driver gaputi timpuar a nabara a panagsinnungbat bayat nga adda dagitoy iti lamay idi rabii idiay Barangay Dr. Camilio Osias, Balaoan, La Union.
Binigbig ni PCol. Heryl Bruno, director ti La Union Provincial Office (LUPPO), iti suspek a ni William Lavara Subang, 58-anyos, bayat a ti biktima ket ni Eduardo Rosimo San Jose, 43-anyos, agpada a residente ti nasao a barangay.
Maibasar iti report, nagsagaba ti fatal gunshot wound iti biktima partikular iti ulo a puon ti dagus a nakatayan daytoy.
Iti suspek ket adda itan a nakabalud idiay Balaoan Police Station.
Padaanan iti kanayunan detalye iti nasao nga insidente.
