LA UNION – Limmukay iti taray ti trapiko iti central business idiay ili ti Bauang, La Union.
Iti pannakiuman ti Bombo Radyo kenni C/Ins. Joel Lagtog, hepe ti Bauang Police Station, kinunana a gapu iti nairot a panangipakatda ti traffic law ken road clearing operations iti masakupanna nga ili ket nakasursuron dagiti motorista nga agpasakop kadagiti otoridad ken suruten iti paggannurtan kadagiti kalsada.
Kanayon iti panangsipot dagiti traffic enforcers kadagiti motorista nga agiparada kadagiti luganda iti ngalay ti kalsada ken no adda dagiti saan a sumurot ti patigmaan ket dagusda nga ikkan dagitoy ti citation tikets.
Iti agdama, umabuten iti nasurok a 100 a citation tickets iti naisyu kadagiti traffice violators.
Kabayatanna, nagpalagip pay iti hepe ti pulisya a masapul nga obserbaran dagiti motocycle riders ken tricycle drivers nga iti outer lane da a dumalyasat tapno maliklikan iti pannakaitiliw dagitoy.
