LA UNION – Lumab-laban iti sakit a cancer ni Doc Willie T. Ong.
Inyanunsiyo na daytoy iti mismo a social media platform na ita nga aldaw ti Sabado.
Inladawan ni Doc Willie iti sakit na a sarcoma cancer a “very rare, aggressive, very big.”
Iti nagtubo a bukol ket nakalemmeng iti tiyan na, likod ti puso ken sangwanan ti duri wenno spine.
Agrukod ti bukol ti 16 x 13 x 12 centimeter.
Iti sarcoma, maibasar iti depinisyon ti Mayo Clinic, ket termino para iti nalawa a grupo ti cancer, a mangrugi iti tulang ken iti soft or connective tissues.
Istorya ni Doc Willie, inaramidna ti video idi Agosto 29, ngem saan a dagus a nairuar, gapwanan ta nagbalin a seryoso ken komplikado iti kondisyon na kabayatan ti panagpaisidong na iti chemotherapy.
Iti agdama, agpapaisidong iti intensive treatment iti ospital iti sabali a pagilian.
Iti laksid ti paglab-labasanna iti biag, kinuna ni Doc Willie a positive latta ti outlook na, nangruna ket adda iti asawa ken dua nga annak na, a mangbanbantay kenkuana.
Ni Doc Willie T. Ong ket timmaray a bise presidente ken nagbalin a runningmate ni sigud a presidential candidate ken Manila Mayor Isko Moreno iti sidong ti Aksyon Demokratiko party idi 2022 election.
Maysa isuna a cardiologist, health advocate, ken nalatak a mangipapaay ti health tips kadagiti 9.7 million followers daytoy.
