Pimmusayen ti kadakkelan a saltwater crocodile ditoy Pilipinas a ni Pangil.
Segun kadagiti eksperto, adda saki a cancer ti 18-foot crocodile.
Maibasar ti anunsyo manipud Davao Crocodile Park and Zoo, nagka-komplikasyon ti buwaya iti metastatic squamous cell carcinoma.
Laksid dagiti naipaay nga medical care ken surgical intervention, nagwaras latta dagiti cancer cells ken nadanon nan iti multi-systemic organ failure.
Pinadawayan met ti Zoo ti buwaya ket kinunada a para kadagiti dekada a napalabas, nagbalin a simbolo ni Pangil kina-ibtur ken nabaknang a biodiversity ti pagilian.
Segun kenkuada, saan laeng nga tourist attraction ni Pangil sadiay Davao Crocodile Park and Zoo nu di ket maysa nga treasured icon nga inspirasyon dagiti bisita nga ipateg ti aglawlaw ken wildlife.
