BR LA UNION – Nakatuding a maisayangkat ti umuna a Vin d’Honneur inton Enero 11.
Iti nasao a tradisyonal a Vin d’Honneur ket kadawyan a tabunwan dagiti diplomatic corps ken dagiti lider ti pagilian.
Mamindua iti makatawen a maar-aramid daytoy, umuna iti rugi ti baro a tawen ken maikadua inton selebraran ti pagilian ti Independence Day a kadawyan a maangay idiay Palasyo ti Malacañang.
Segun kenni Presidential Communications Office Secretary Cesar Chavez, ti Vin d’Honneur ket naggapu iti tradisyon idiay Pransiya a ti kayatna a sawen ket “wine of honor”.
Idi napan a Hunyo, iti Vin d’Honneur, ket impaayan importansiya ni Presidente Ferdinand Marcos Jr. iti panagdur-as ti ekonomiya nga addaan dakkel a pagimbagan kadagiti ordinaryo a Pilipino.
