LA UNION – Natiliwen iti maibilbilang a top 3 most wanted person idiay ili ti Aringay, La Union.
Naisayangkat ti manhunt operation dagiti otoridad idiay Carmona, Cavite.
Iti suspek a managan Julius Foronda, 38, awanan asawa, maysa nga auto mechanic, ken residente ti Poblacion, Aringay, La Union ket sumangsango iti kaso a panaglabsing iti RA 10591 wenno Comprehensive Firearms and Ammunition Regulation Act ken R.A. 9165 wenno Comprehensive Dangerous Drugs Act of 2002.
Inarestar dagiti otoridad ni Foronda babaen iti bileg ti warrant of arrest, napetsaan ti Marso 21, 2016 ken impaulog ni RTC Judge Romeo Atillo, Jr. ti Branch 31 idiay Agoo, La Union.
Umabot met ti P280,000 iti nairekomenda a piyansa ti suspek para iti temporaryo a pannakawaya-waya daytoy.
