LA UNION – Adda pay iti nangat-ngato nga arapa-ap ti Top 6 iti 2018 MedTech Board Examination nga inganwat ti Professional Regulation Commission (PRC) Board of Medical Technology ita a bulan ti Marso.
Iti eksklusibo nga interview ti Bombo Radyo La Union kenni Hervae Arenas Ordoño, kinuna na a kayat na nga ituloy ti agadal tapno mangala iti medisina wenno kina-doktor.
Sipapannakkel nga imbaga na a nu matultuloy ken kaasyan ti Namarsua ket isuna ti kaunaan a doktor iti pamilya da.
Immuna ti daytoy, kinuna na a saan na nga ekspektaran ti nagan na a rumwar kadagiti top 10, isunga napalalo iti ragsak na ken iti pamilya na, iti nagun-od daytoy a balligi.
Gaputi dayta, mas desidido man itan ni Ordoño a gun-oden iti arap-ap na nga agbalin a doktor.
Ni Hervae Arenas Ordoño, a graduate iti Saint Louis University, taga Sta, Barbara, Pangasinan ket nakagun-od ti 89.60% ratings iti kalkalpas a MedTech Board Exam.
