BR LA UNION – Inakusaran ni sigud a Senador Antonio Trillanes IV ni Sen. Alan Peter Cayetano a ‘good gaslighter’.
Segun kenni Trillanes, ipil-pilit latta ni Cayetano nga i-gaslight ti amin, basta kabaelanna.
Inaramid ti sigud a senador ti statement kagiddan ti ballaag na kontra iti mapapati a posible nga addang wenno gandat ti sigud a senate president tapno maapektaran iti impeachment proceedings kontra kenni VP Sara Duterte.
Segun pay kenni Trillanes, saan a rumnbeng a tagibassiten ni Cayetano agsipudta ‘nasirib unay ti kinalaing na a mang-manipula.
Kinunana a saan a pulos a maibusan ti sigud a lider ti Senado kadagiti wagas a mangala iti atensiyon wenno mangpataud iti komplikasyon iti proseso.
Kinunana a mabalin met nga usaren ni Cayetano ti nadumaduma nga estratehiya tapno masalaknibanna ti bukodna nga interes.
Agingga ita, saan pay a simmungbat ti sigud a Senate President iti kaudian a pananguyaw ken pasagid ni Trillanes.
