LA UNION – Addaan pay laeng ti bileg ita ti naisampa a Temporary Restraining Order (TRO) idiay Korte Suprema gapu iti maipagarup nga isyu ti bidding tapno mapabaro iti plaka dagiti amin a lugan ditoy pagilyan.
Kinuna ni Land Transportation Office (LTO) -1 administrative officer Charlie del Rosario, gapu ti nasao a TRO ket naisardeng iti panangi-release kadagti baro a plaka dagti lugan.
Ur-urayenda laeng iti agbalin a desisyon ti korte tapno maammuan no kaano a maited dagiti plaka.
Imapela met ti nasao nga opisina kadagiti motorista nga iyan-anus iti panaguray iti iruar a pammilin ti korte maipapan iti panangited kadagiti baro a plaka dagiti lugan.
