LA UNION – Alas 8:00 ita a rabii, simrek ti bagyo Pepito, nga addaan ti international name a Man-yi, iti Philippine area of responsibility.
Segun iti Philippine Atmospheric, Geophysical and Astronomical Services Administration (Pagasa) pimmigsa ti bagyo pepito ket maysa ita a Severe Tropical Storm.
Naudi a nasaripatpatan ti bagyo pepito iti kaadayu a 1,375 kilometro daya ti Northeastern Mindanao.
Segun iti Pagasa, ti bagyo Pepito ket pumigsa pay agingga iti typhoon category inton bigat, Biyernes, Nobyembre 15.
Mapatta-patta nga ag-landfall iti daya a kabaybayan ti Southern Luzon inton Sabado wenno Domingo.
