Nagpangta ni U.S. President Donald Trump a dadaelen ti America dagiti powerplant idiay Iran no saanda a naan-anay a luktan iti Strait of Hormuz iti uneg ti 48 nga oras.
Ti pangta ni Trump ket kasaruno ti nagbalin a waragawagna iti kallabes maipapan iti panagpatingga ti gubat, ngem bimmara manen ti tension kalpasan iti serye dagiti panagraut.
Segun iti report, nangipalubos iti Iran ti dua nga long-range ballistic missiles nga addaan ti range a 4,000 kilometers nga agturong iti US-UK military base idiay Diego Garcia iti Indian Ocean.
Kenuna ni Israeli military chief Eyal Zamir a daytoy iti umuna a gundaway nga inusar ti Iran iti nasao a klase ti missile nga addaan kabaelan a makadanon kadagiti kabesera ti Europe kas iti Berlin, Paris, ken Rome.
Idiay Israel, tinamaan met ti missile ti Iran dagiti siyudad ti Dimona ken Arad a nakasugatan dagiti dinosena a tattao, agraman dagiti ubbing.
Sipud idi nangrugi iti opensiba ti Estados Unidos ken Israel idi Pebrero 28, nasurok a 2,000 ti pimmusay idiay Iran bayat a 15 iti nairekord a natay iti dasig ti Israel.
“If Iran doesn’t FULLY OPEN, WITHOUT THREAT, the Strait of Hormuz, within 48 HOURS from this exact point in time, the United States of America will hit and obliterate their various POWER PLANTS, STARTING WITH THE BIGGEST ONE FIRST!” waragawag ni Trump iti social media.###
