LA UNION – Isagsaganan ti pulisya ti kaso a panaglabsing iti Comprehensive on Dangerous Drugs Act wenno Republic Act 9165 kontra ti maysa a tubero a naglako iti shabu idiay igid ti national highway a sakupen iti Barangay Parian, syudad ti San Fernando, La Union.
Nabigbig ti suspek a ni Gregorio Leola, 33-anyos, residente ti Barangay Sagayad ti nasao a syudad.
Naammuan ti Bombo Radyo manipud ti San Fernando City Police, dua a sachet a naglaon iti maatap a shabu a saan pay a nadetermina a timbang ken balorna iti nakompiskar manipud ti suspek, karaman iti P500 bill a buy-bust money.
Agtaltalinaed a nakabalud iti kwerpo ti pulisya ti nasao a suspek kabayatan a maur-uray ti resolusyon nga iruar ti piskalya para iti pagbanagan ti kaso daytoy. (Absalom Flores)
