LA UNION – Pimmigsa pay ti bagyo Marce bayat nga agtur-turong iti Philippine Sea, segun iti PAGASA.
Naudi a nasaripatpatan iti sentro ti nasao a bagyo iti kaadayu a 345 kilometro daya ti Tuguegarao City, Cagayan.
Kabuyog na iti kapigsa ti angin a 140 kilometro kada oras ken kapegges a dumanon iti 170 kilometro kada oras.
Agtur-turong iti laud amianan-a-palaud iti kapartak a 15 kilometro kada oras.
Maibasar iti forecast track ti bagyo, posible a dumanon iti peak intensity wenno kapigsa ti bagyo sakbay nga ag-landfall idiay Babuyan Islands wenno Cagayan ti malem wenno rabii inton Huwebes (November 7).
Namnamaen a rumwar iti Philippine Area of Responsibility (PAR) region iti bagyo Marce inton rabii ti Biyernes, Nobyembre 8.
Kabayatanna, naipangato ti ballaag ti bagyo, iti Signal Number 2 ket nakaibayog idiay:
- Eastern portion ti Babuyan islands (Camiguin Is., Babuyan Is.,)
- Northeastern portion ti mainland Cagayan (Santa Ana, Gonzaga, Lal-Lo, Santa Teresita, Buguey)
Kabayatanna, dagiti met lugar a nakaibayugan ti Signal #1:
- Batanes,
- Nabatbati a paset ti Cagayan agraman Babuyan Islands,
- Ilocos Norte,
- Ilocos Sur,
- Apayao,
- Abra,
- Kalinga,
- Mountain Province,
- Ifugao,
- Northern portion ti Benguet
- Isabela,
- Nueva Vizcaya,
- Quirino,
- Northern portion ti Aurora
