Manamnama a sumrek iti Philippine Area of Responsibility (PAR) inton bigat, Lunes, Agosto 24, iti Typhoon Saudel ken posible a mangpapigsa iti southwest monsoon wenno habagat.
Segun ti Philippine Atmospheric, Geophysical and Astronomical Services Administration (PAGASA), naudi a nasaripatpatan iti bagyo iti kaadayo a 2,245 km daya ti extreme northern luzon, bayat nga ag-gargaraw iti laud amianan a laud iti kapaspas a 25 km tunggal oras. Kabuyog daytoy iti kapigsa ti angin nga 175 km/h ken kapegges nga agingga 215 km/h.
Kabayatanna, maysa a tropical depression iti adda iti daya ti Eastern Visayas iti posible a sumaruno kenni bagyo Saudel ngem nababa iti tyansa daytoy a sumrek iti Philippine Area of Responsibility (PAR) kalpasan a nangrugi daytoy nga agturong iti amianan a direksion.
Agtultuloy met a bambantayan ti PAGASA iti Tropical Depression Gaenari a sigud a Neneng, a pimmigsa kalpasan a kimmapsot kas Low Pressure Area (LPA).###
