BR LA UNION – Nakarwaren iti Philippine Area of Responsibility (PAR) ti Typhoon Saudel, a naawagan ti local name nga Obet, agarop alas 9:30 ti rabii (August 24) maibasar iti 11:00 PM Tropical Cyclone Bulletin ti state weather bureau.
Naudi a nasaripatpatan iti sentro ti Typhoon OBET iti kaadayu a 1,250 km daya ti Northeast ti Extreme Northern Luzon (OUTSIDE PAR), kabuyog ti kapigsa ti angin a 155 km/h asideg iti sentro ken kapegges a dumanon iti 190 km/h.
Dupdupagenna iti laud amianan-a-palaud iti kapartak a 25 km/h.
Umasideg wenno posible nga ag-landfall iti southern islands ti Japan inton bigat (Martes) wenno inton Miyerkoles (August 26) sakbay nga agpalaud ken ag-landfall iti southeastern coast ti mainland China inton Biyernes (August 28).
Maibasar iti forecast, kumapsot ti Typhoon Obet bayat nga agturong iti southern islands ti Japan ken amianan ti Taiwan.
Kalpasan ti landfall scenario ti Typhoon OBET iti southeastern coast ti mainland China, manamnama a kumapsot ken agbalin a severe tropical storm inton Biyernes ken agbalin a tropical depression inton Sabado (August 29).
