LA UNION – Agtaltalinaed pay laeng iti ospital ti 6-anyos nga ubing a nadungpar ti mini-dump truck idiay Barangay Napaset, ili ti Luna, La Union.
Naammuan ti Bombo Radyo manipud ti Luna Police Station, maipagarup a bumalballasiw ti biktima idi a madungpar daytoy iti nasao a lugar a manmanehuen ti 35-anyos a ni Jaime Buyan, residente ti Barangay Poblacion, ili ti Sudipen, La Union.
Dagus a naiturong iti ospital ti ubing tapno maagasan dagiti nilak-amna a dungir iti naduma-duma a paset ti bagina.
Agtaltalinaed pay laeng iti kwerpo ti pulisya ti respondent driver kabayatan a maur-uray iti pangeddeng ti pamilya iti biktima no mangidatag dagitoy iti kaso kontra kenkuana. (Absalom Flores)
