BAGULIN, La Union – Malamlamayan ita ti maysa nga ubing a natay gapu ti pannakalmes iti karayan idiay Barangay Suyo, ili ti Bagulin, La Union.
Nabigbig ti 4-anyos a biktima a ni Reinfernich Tumbaga, residente ti Barangay Tuddingan, ili ti Naguilian, La Union.
Base iti impormasyon a nakalap ti Bombo Radyo manipud ti Bagulin Police, maipagarup nga intugot ti ulitegna nga agnagan ti Alfred Santos ti nasao a biktima idiay karayan tapno kitaen ti water pump.
Binilin ni Santos ti ubing nga agtalinaed iti igid ti karayan.
Kalpasan iti sumagmamano a kanito ket nasarakanna laengen ti biktima a tumtumpaw idiay karayan.
Gapu iti daytoy, dagusna nga inturong ti biktima iti Naguilian District Hospital ngem naideklara daytoy a dead on arrival babaen ti doktor.
