BR LA UNION – Maysa a menor de edad nga ubing a babai ti nalmes idiay Bagulin, La Union.
Napasamak ti insidente idiay Dungpal river, iti nagbeddengan ti Brgy. Baay ken Brgy. Libbo Bagulin, La Union agarop alas 2:00 ti malem idi Miyerkoles, Mayo 7, agdama a tawen.
Maibasar iti report ti Bagulin Police Station, iti biktima ken dua pay a menor de edad ket napan nagay-ayam asideg iti nasao a karayan.
Maipagarop a naikaglis ti biktima ken natinnag iti nauneg a paset ti karayan.
Saan a naisalbar dagiti dagiti dua a menor de edad iti biktima agsipudta saan da nga ammo ti aglangoy.
Nupay kasta, dagus da a nagkiddaw ti tulong manipud iti maysa met laeng a menor de edad a lalaki ket naiyaunna ti biktima.
Ngem saan a nalawag iti police report, nu adda pay anges na ti ubing idi naiyaun manipud iti karayan.
Iti biktima ket inyawid ti nagannak na iti balay da idiay Barangay Delles, Bagulin.
Kabayatanna, iti panagresponde dagiti otoridad iti report ni Reymar Rillera, 45-anyos, barangay secretary ti Barangay Ba-ay, binalakadan da iti nagannak ti ubing nga iturong daytoy iti ospital, ngem maipagarop a natay met laeng.
