LA UNION – Agpanpanawagan ii tulong ti Filipino worker iti gobyerno ti Pilipinas nga isalakan daytoy idiay pagilyan ti Lebanon tapno makaawiden idiay pagtaenganda idiay ili ti San Gabriel, La Union.
Iti pannakiuman ti Bombo Radyo kenni Ferdinand Serenio kabsat ti nasao a Filipino worker a ni Pamela Serenio, kinunana a makapaspasar iti kinadamsak manipud iti amo ti kabsatna.
Idi August 2017 a nagturong ni Pamela idiay Lebanon ngem saanna a nagustuan iti trato kenkuana ti employer.
Kabayatanna, naduktalan met ti Overseases Worker Welfare Administration (OWWA) Regional Office-1 nga undocumented worker si Pamela isu nga impabus-oyda laeng ti kaso iti Department of Foriegn Affairs.
Sigun met kenni Welfare Officer Mona Marie Ganal, mangiruarda iti report maipapan ti kailyan apaman a makaawatda iti mensahe manipud iti Embahada ng Pilipinas a nakabase sadiay.
