BR LA UNION – Nagpanawagan dagiti miyembro ti Kamara nga imbestigaran iti P12.3 bilyon a balor iti disallowance ti Department of Education (DepEd) nga idaulwan idi ni Vice President Sara Duterte.
Iti maysa a press conference, kinumpirma ni House Assistant Majority leader ken Taguig 2nd district Rep. Pammy Mendoza a napagtungtongan dan kadagiti dadduma a miyembro ti Kamara nga ipasidong iti House Good Government and Public Accountability Committee iti unsettled financial transactions ti DepEd nga inrekomenda ni Zambales 1st district Rep. Jay Khonghun.
Kabayatanna, dimmistansya ti maysa a House prosecutor iti impeachment trial ni VP Sara a ni 1-Rider Party-list Rep. Rodge Rodriguez iti panawagan ti komite idiay Kamara nga imbestigaran daytoy.
Kinuna na a kas paset ti prosecution team iti kaso ti impeachment, imbaga ni Gutierrez nga itandudo na iti restraint iti panangipaay ti anyaman a waragawag seknan iti nasao nga isyu.
Iti unsettled financial transactions ti DepEd ket paset ti articles of impeachment a dinakamat dagiti mammanday linteg idiay Kamara kontra iti Bise Presidente.
Maak-akusaran ti betrayal of public trust ken graft and corruption iti Bise Presidente gapu iti maipagarop a misuse ken malversation ti confidential funds a nailatang para iti Office of the Vice President ken DepEd.
