(Update) 14 a pamilya, napukawan ti pagtaengan iti napasamak nga uram idi Biyernes; Cause of fire, agtultuloy nga im-imbestigaran dagiti otoridad

Umabot ti 14 a pamilya wenno pakabuklan a 52 nga indibiduwal iti naapektaran ken napukawan ti pagtaengan iti napasamak nga uram idi malem ti Biyernes, idiay Barangay Tres, San Fernando City, La Union.

Iti exclusive interview ti Bombo Radyo La Union kenni SFOI April Jhon A.Tumbaga, Fire Arson Investigator ti City Fire Department, Bureau of Fire Protection, kinunana a base iti sumagmamano a witness, nangngeg da nga adda pimmutok iti likod a paset ti dackel a da-an a balay, a posible a nagtaudan ti apoy.

Ngem inlawlawag ni Tumbaga a saan pay a pinal daytoy a makagapo, agsipudta agtultuloy iti imbestigasyon dagiti otoridad.

Maipalagip a dimmanon iti 2nd alarm ti napasamak nga uram ngem awan iti naipadamag a nadangran wenno natay iti insidente, malaksid nga awan ti naisalbar nga alikamen ken kagawaan dagiti biktima.

Intay denggen iti kanayunan a detalye ken follow up report ni Bombo Rudolph Madera babaen iti pannakiuman na kenni SFO1 April Jhon Tumbaga.