BR LA UNION – Umabot iti 204 a bangkay ti narekobre iti nagsuwek a pampasahero nga eroplano idiay Ahmedabad, western India.
Segun kadagiti autoridad idiay India a maysa a pasahero ti nakalasat manipud iti pakabuklan a 242 a tattao a naglugan iti eroplano nga Air India nga agturong idiay London.
Manipud iti nasao ma bilang, 169 iti Indian nationals, 53 ti Briton, pito a Portuguese nationals ken maysa a Canadian ti naglugan iti nadakamat nga eroplano, a maysa a Boeing 787-8 Dreamliner.
Agturongen dagiti US Investigators idiay India tapno tumulong iti imbestigasyon.
Kabayatanna, siniguro met ti Airline companies a saanda a baybay-an dagiti biktima.
Maipalagip a ti eroplano ket agturong idiay London idi nagsuwek sumagmamano a minuto kalpasan a nag take-off ket timmama iti maysa a pasdek a pagnanaedan dagiti doktor idiay Ahmedabad, India.
