LA UNION – Naiyawiden iti bangkay ti napapatay a guwardiya iti pagtaengan da idiay Binmaley, Pangasinan.
Maibasar iti nakalap nga impormasyon ti Bombo Radyo La Union, naibiyahe idi rabii iti bangkay ti biktima a ni Ricardo Sarmiento manipud ili a Bauang.
Kabayatanna, adda metten ti person of interest ti pulisiya ken agtultuloy ti naun-uneg pay nga imbestigasyon dagiti otoridad, para iti posible a pannaka-arestar dagiti adda ti likod iti krimen.
Maipalagip a nasarakan laengen a natay ti biktima idi Pebrero 12 manipud iti banbantayan na a warehouse idiay Barangay Acao, Bauang La Union kalpasan a nagsagaba ti adu a tama ti bagsol iti bagi na.
Iti inisyal nga imbestigasyon dagiti otoridad, panagtakawan iti kangrunaan a makitkita a motibo iti napasamak a robbery homicide incident.
