BR LA UNION – Nakastreken iti Philippine Area of Responsibility (PAR) iti low pressure area (LPA) nga immuna a nasaripatpatan ti Philippine Atmospheric, Geophysical and Astronomical Services Administration (PAGASA) iti ruar ti teritoryo itay agsapa.
Agtultuloy nga imon-monitor ti state weather bureau ti nasao nga LPA a naudi a nasaripatpatan iti kaadayu a 1,410 daya ti Southeastern Luzon itay alas 8:00 ti rabii.
Siniguro ti PAGASA a nababa ti tiyansa a mabukel kas maysa a tropical depression iti sumaganad a 24 nga oras.
Kabayatanna, imballaag ti weather bureau iti thunderstorm advisory para iti sumagmamano a lugar iti Luzon kas idiay Metro Manila, Tarlac, Pampanga, Bataan, Batangas, Cavite, Laguna, Quezon, ken Rizal gapu iti posible a panagtudo ken panagkimat.
Gaputi habagat, agtultuloy a makapadas ti naulep a tangatang ken panagtudtudo iti lumaod a paset ti pagilian bayat a localized thunderstorms iti namnamaen iti dadduma a lugar.
