BR LA UNION – Indeklara ni US President Donald Trump a naggbusen iti aganay dua a tawen giyera iti baetan ti Israel ken Hamas.
Inyanunsiyo daytoy ti US President sakbay a naglugan ti Air force One aircraft ken nagluas a nagturong idiay Israel para iti nakatuding a panangwaya-waya ti Hamas iti amin a kawtibo manipud Gaza kas paset ti ceasefire agreement.
Kasukat daytoy, ruk-atan met ti Israel dagiti 250 a preso a Palestino ken nasurok 700 a detainees.
Kabayatanna, namnamaen ti pannaki-sinnarak ni Trump ita nga aldaw kenni Israeli Prime Minister Benjamin Netanyahu ken iti pamilya dagiti kawtibo ti Hamas sakbay a sumango iti Israeli parliament idiay Jerusalem.
Kalpasan na, agturong ni US President Trump idiay Egypt tapno ag-host kadwa na ni President Abdel Fattah al-Sisi iti summit on peace in the Middle East, a dar-ayan ti nasurok 20 world leaders kabilang ni British Prime Minister Keir Starmer, tapno suportaran iti plano ni Trump a pananggibus ti giyera idiay Gaza ken panangilungalong ti kinakapya idiay Middle East.
