BR LA UNION – Bimwelta ni Palace Press Officer Undersecretary Claire Castro kontra kenni Vice President Sara Duterte seknan dagiti akusasyon na a mangkuwes-kuwestiyon iti integridad ken kredibilidad ti Independent Commission for Infrastructure (ICI).
Direkta a dinillaw ni Usec. Casto iti kunana nga awan basaran a waragawag ni VP Sara, a panggep a dadaelen iti integridad dagiti tao nga adda iti likod ti imbestigasyon iti sumagmamano nga isyu ti kinakusit.
Segun kenni USec Castro,“Nakakaasi dagiti tattao a paset ti gobyerno ngem saan a makatulong iti ili. Mas nakakaasi dagiti nabotosan a public servant ngem bin-ig nga ispekulasyon iti ibagbaga da tapno mangdadael.”
Imbaga ni Castro, ti kurang iti Bise Presidente ket awan ti maisango na a pudno nga ebidensya.
Impaganetget ni Castro, dagiti nagsisilpo nga istorya ni VP Sara ket awan pateg na ken saan a rumbeng nga ikkan atensiyon.
Innayon ni Castro, arigna adda ilem-lemmeng ni VP Sara isunga ikag-kagumaan na a dadaelen iti integridad ti ICI.
“Ang tanong ni USec Castro: may kinatatakutan ba siyang mabunyag sa ginagawang imbestigasyon? Bakit pilit niyang sinisiraan ang ICI?”
