BR LA UNION – Inawagan ni Palace Press Officer Claire Castro a basura iti rebelasyon dagiti 18 a sigud a bodyguard.
Kinuna ni castro, saan nga agbalin iti korte ti testimonya dagiti 18 a sigud a bodyguard ni dati a Cong. Zaldy Co seknan iti maipagarop a panag-deliver iti naka-maleta a kuwarta.
Reaksyon daytoy ti Malakanyang iti tengnga dagiti paliiw nga inconsistencies iti waragawag dagiti “18 maleta boys”.
Segun kenni Castro, iti nasao a klase ti statement a pabaliw-baliw ket saan a pumasa iti nainget a panangadal ken panangamiris iti korte.
Ita pay laeng kunana ket makitan nu anya a klase ti istorya dagitoy tapno mangdadael.
Immuna ti daytoy, imbabawi dagiti 18 a sigud a bagmen iti alegasyon a nagitulod da ti maleta a napunno ti kuwarta iti balay ni Sen. Loren Legarda.
