BR LA UNION – Pinaglibakan ni Vice President Sara Duterte iti nagwaras a damag iti social media a maipagarop a binarsak na ti laptop iti legal defense team na a ni Atty. Michael Poa.
Iti interview kenkuana idiay The Hague, imbaga ni Sara Duterte a “gossip” ken “basura” dagiti nasao nga alegasyon ken saan a rumbeng nga ikkan pay ti atensiyon.
Innayon pay ti Bise Presidente, a maipagarop a saan nga agus-usar ti laptop wenno computer iti trabaho ken mangnamnama laeng kadagiti kakadwa na para kadagiti kasapolanna a dokumento.
Impaganetget pay ni VP Sara, a personal na a ginatang ti laptop na ket saanna a basta ibarsak daytoy.
Iti kapada nga interview, binabalaw pay ni VP Sara dagiti kritiko na a maipagarop a mangir-iruar ti naduma-duma a naratibo kontra kenkuana iti social media, kabilang dagiti akusasyon nga isuna ket “bagtit,” “incompetent,” ken “pro-China.”
