Narsuod iti Binaliw Landfill idi malem kalman, Enero 8 idiay Cebu City gapu iti kinaado dagiti naurnong a basura.
Naliday nga impadamag daytoy ni Cebu City Mayor Nestor Archival ken segun ti report 27 manipud kadagiti 94 a trabahador iti nagaburan ken na-trap.
Ti naisangay a rescue operation agarup alas-10 ti rabii, siyam dagiti naisalakan bayat a maysa iti kumpirmado a natay.
Impasigurado ti alkalde a saan nga agsardeng iti pannakabirok dagiti 18 nga indibidual ken maipaay amin a kasapulan a tulong kadagiti biktima ken ti pamilyada.
Nakatuding a makinataripnong ni Mayor Archival kadagiti operator ti landfill ita nga aldaw tapno talantanen dagiti dagus nga aksion tapno maliklikan dagiti sumaruno nga aksidente.
Kabayatanna, temporario a naipasardeng amin nga aktibidad ti panangibelleng ti basuro kas sungbat iti napasamak a landslide.
Nagkiddaw dagiti opisial ti kooperasion ken pasensya ti publiko, ken imbalakad a monitoren dagiti mapagtalkan a source para kadagiti pakaammo no katno a maisubli iti normal nga operasion ti landfill.
Ti Binaliw Landfill iti kangrunaan a dumpsite idiay Cebu City a nabayagen nga madildillaw gapu kadagiti isyu ti kinatalged ken polusion, ken idi napalabas a tawen, adda dagiti reports maipapan ti panagreggaay ti daga ken paset ti landfill a nangigubuay ti panagamak kadagiti residente.###
