Opisialen a nagpatingga iti isaysayangkat a search and rescue operations dagiti otoridad iti Binaliw Landfill idiay Cebu, kalpasan a narekober da iti maudi a mapukpukaw a bangkay gapuanan ti napasamak a landslide iti lugar idi Enero 8.
Segun ti Cebu City Disaster Response Committee, naala iti bangkay idi bigat kalman, Enero 18, a nangiyeg iti pakabuklan a bilang dagiti pimmusay a 36.
Malaksid iti daytoy, amin dagiti naipadamag a mapukpukaw ken pimmusay iti insidente ket naibilang bayat a 14 iti agtaltalinaed iti ospital ken uppat dagiti naapaawiden kadagiti pagtaengan ken pamiliada.
Kabayatanna, idi Biernes ket linagip dagiti kabagian dagiti ay-ayatenda ti biag a pimmusay, kagiddan ti panangideklara ti State of Calamity iti lugar.###
