LA UNION – Immapela kadagiti umili ni PChief Inspector Joel Lagto, agdama a hepe ti pulisiya idiay Bauang, La Union a saan a manghusgar wenno mangipaay iti darasudos a komento, nu saan nga ammo iti pudno a pasamak wenno sitwasyon.
Inaramid ni Lagto iti nasao nga apela kabayatan iti eksklusibo a pannaki-innuman ti Bombo Radyo, kasaruno iti naawat a negatibo a komento iti dua a pulis na, a nagmaneho ti motorisklo nga awanan ti suot a helmet.
Immuna ti daytoy, nag-viral iti social media nga FB iti ladawan dagiti dua a uniformed police personnel a nagmaneho ti dua a motorsiklo nga awanan ti suot a helmet iti national highway a masakopan ti nasao nga ili.
Ngem impaganetget ni Lagto, nga immaneho laeng dagiti pulis dagiti nasao a motorsiklo tapno ma-impound iti Bauang police station, kalpasan a na-intercept dagitoy iti checkpoint gaputi panaglabsing iti linteg dagiti nagmaneho.
