Mabalin a sumango ti plunder, malversation, falsification, bribery ken dadduma pay a kaso ni Vice President Sara Duterte ken dagiti opisyales ti Office of the Vice President (OVP).
Inwaragwag daitoy da Ako Bicol Party-list Representative Jil Bongalon, Batangas Representative Gerville “Jinky Bitricks” Luistro, Surigao del Sur Representative Johnny Pimentel, ken Antipolo Representative Romeo Acop iti maika-walo a panagdengngeg ti House Committee on Good Government and Public Accountability.
Maipapan daitoy iti kwestyunable a panaggastar ti ₱612.5M confidential funds ti OVP ken Department of Education (DepEd) babaen ti panangimaton ni VP Sara.
Impaganetget pay ni Acop a nalawag iti insayangkat da a panagdengngeg ti ginastos a confidential funds ti OVP ken DepEd ket awanan ti transparency, accountability, ken panaglabsing ti Commission on Audit-Department of Budget and Management Joint Circular No. 2015-01.
