Naawaten ni Bise Presidente Sara Duterte iti imbitasyon ti House Committee on Justice tapno dumar-ay ti panagdengngeg inton Marso 25 mainaig kadagiti dua nga impeachment complaint kontra kenkuana.
Segun kenni Attorney Michael Poa, ur-urayen da pay ti desisyon iti Bise Presidente nu dumar-ay isuna kasta met a denggen na pay dagiti ballaag dagiti sabali pay nga abogado iti kampo da.
Kabayatanna, kinuna ni Committee on Justice Chairperson Gerville Luistro a panggep ti panagdar-ay a masungbatan dagiti akusasyon, ngem adda latta iti Bise Presidente ti desisyon.
Innayon na a ti saan a panagdar-ay ket mabalin a mangpangato laeng ti gundaway a dumanon ti Senado ti reklamo para ti panagdengngeg.
Kabayatanna, naimbitaran metten dagiti complainant iti impeachment.
