BR LA UNION – Nagpakita iti publiko ni Vice President Sara Duterte idi kalman, Huwebes, Agosto 7, 2025.
Daytoy ket tapno paglibakan iti waragawag ni Communications Undersecretary Claire Castro a nagturong idiay Kuwait nga awanan ti travel authority.
Inawaganna kas maysa a “political scapegoating” iti waragawag ni Castro a maipagarop a naglabsing iti allagaden ti travel authority.
Impaganetget na a maysa a panangilisi iti Office of the President kadagiti pudno nga isyu nga adda pakainaiganna iti kasasaad ti pagilian, isunga iram-raman da nu sadino ti lokasyon na.
Inakusaran na pay ni Castro nga agiwar-waras ti fake news ken misinformation.
