BR LA UNION – Nakasublin ditoy pagilian ni Vice President Sara Duterte kalpasan ti panagbisita na idiay Qatar ken The Netherlands.
Segun iti Office of the Vice President agarop alas 7:40 ita a rabii ti Huwebes a limmapag ti eroplano a nagluganan na idiay Ninoy Aquino International Airport.
Iti sumaganad nga aldaw laengen kunana a mangipaay iti waragawag ken reaksyon iti sumagmamano nga isyu iti agdama.
Nagturong idiay The Netherlands iti bise presidente tapno sarungkaran ti ama na a ni sigud a presidente Rodrigo Duterte a nakabalud iti International Criminal Court facility.
Immuna ti daytoy, dimmar-ay ti bise presidente iti sumagmamano nga aktibidad ti Filipino community idiay Qatar.
Maipalagip nga intantan ti Senado iti panangtalantan iti impeachment complaints kontra iti bise presidente.
