LA UNION – Tinakderan ni Vice President Sara Duterte a saan nga agebbat iti puwesto.
Kasaruno daytoy iti panawagan ti sumagmamano a mammanday linteg, gaputi saanna a panagdar-ay iti panangtalantan ti House of Representatives iti gakat a P2-billion budget inton 2025 ti Office of the Vice President.
Kinuna na a saan nga aglosolos agsipudta tattao iti nangipatugaw kenkuana iti puwesto ken mamati da nga agtrabaho iti pagilian, banag nga isuti ar-aramidenna.
Immunan a dinillaw da House Assistant Majority Leader Jil Bongalon ken House Deputy Speaker Jayjay Suarez ti Quezon iti Bise Presidente gaputi saanna a panagdar-ay iti house deliberation budget.
Sungbat met ni Duterte a saanna a sungbatan iti panang-dillaw dagiti bagito a mammanday linteg, agsipudta kasapolanna ti sumungbat iti 32 milyon a bimmutos kenkuana.
