BR LA UNION – Pinaglibakan ni Vice President Sara Duterte iti alegasyon a maysa isuna kadagiti financier ti destabilisasyon kontra gobyerno, kalpasan a ninaganan ti beterano a brodkaster a ni Ramon Tulfo.
Segun iti Bise Presidente, awan basaran ti alegasyon ken inawagan na a “chismis” agsipudta awan ti ebidensya.
Karaman pay a dinakamat ni Tulfo iti kabsat ni VP Sara a ni Davao City 1st District Rep. Paolo “Pulong” Duterte ken sigud nga Ilocos Sur Gov. Chavit Singson, ngem saanna nga imbaga ti source na.
Segun met iti Malacañang, imbestigaran ti Armed Forces of the Philippines (AFP) iti listaan nga inbutaktak ni Tulfo.
