BR LA UNION – Inawagan ni Bise Presidente Sara Duterte a “fabrication” wenno parbo iti impeachment case a naidatag kontra kenkuana idiay House of Representatives, kagiddan ti panagyamanna iti publiko iti agtultuloy a suportada.
Nagyaman pay ti Bise Presidente kadagiti supporters a mangipak-pakita ti panangkontra iti impeachment proceedings babaen kadagiti rally ken demonstrasyon.
Inbinglay pay ni Sara Duterte a nagsaritaanda ken ti amana a ni sigud a Presidente Rodrigo Duterte ti isyu a sangsangwen na.
Segun kenkuana, patienda a dagiti pasamak iti biag ket paset ti plano ti Diyos, agraman no mai-impeach wenno saan.
Iti agdama, adda ni VP Sara idiay The Hague tapno sarungkaran ni ama na, a nakabalud ken sumangsango iti kaso a crimes against humanity iti International Criminal Court.
Kabayatanna, tinalantan pay ti Bise Presidente ti panagbara ti political climate sakbay ti 2028 presidential elections.
Kinunana a siguden a “narugit” ti politika ditoy pagilian ken adda dagiti grupo nga agus-usar iti pammadakes tapno mapasayaat ti imaheda.
Patien met ni VP Sara a kumarkaro ti panagatake kenkuana kalpasan nga inyanunsiyo na a tumaray iti 2028 presidential race.
