Personal a bummisita ni Bise Presidente Sara Duterte kadagiti pamilya dagiti biktima ti shooting incident sadiay Banga National High School, South Cotabato tapno mangipadanon ti pannakiladingit ken suporta.
Impaganetget na iti kinapateg ti natibker a culture of security kadagiti pagadalan.
Karaman ditoy ti nalawlawa nga information-gathering tapno nasapa a mailasin dagiti mangpeggad kadagiti estudyante.
Napateg met ti kaadda dagiti mannursuro ken school personnel a nalaka nga asekgan para iti tulong.
Kabayatanna, bummisista metlaeng iti pagadalan ni Department of the Interior and Local Government (DILG) Secretary Jonvic Remulla tapno makitaripnong kadagiti lokal nga opisyales mainaig kadagiti addang nu kasta ket saanen a maulit iti insidente.
Segun kenni Remulla, im-imbestigaranen dagiti otoridad ti posible nga impluwensya ti maysa nga online community a konektado kadagiti kinaranggas nga aktibidad.
Insingasing na pay iti strikto a regulasyon ti panagusar ti social media kadagiti agtutubo nga agtawen ti 16 pababa, kasta met iti nainget a panagannad kadagiti agtagikua ken nakaimet iti paltog.
