LA UNION – Saan a dumar-ay ni Vice President Sara Duterte iti ma ikatlo nga State of the Nation Address (SONA) ni President Ferdinand Marcos Jr.
Iti interview idiay Davao City, impaganetget na a saan a dumar-ay ken inapointaranna ti bagi na kas ‘designated survivor’.
Iti designated survivor ket iti tao a mangi-lisi ti bagi na iti dackel a pasamak, agsipudta isuna ti sumaruno iti puwesto, ingkaso nga adda dakes a mapasamak iti presidente wenno saannan a kabaelan nga ipatungpal dagiti pagrebbenganna kas presidente.
Ngem iti nasao a sarita ket maiyaplikar laeng idiay Estados Unidos.
Ditoy Pilipinas, maiyannurot iti Article VII iti 1987 Constitution, masurot iti constitutional line of succession iti presidency, a nu saanen a kabaelan ti Presidente nga aramiden ken ipatungpal dagiti pagrebbengan na, maikkan ti bileg iti Bise-Presidente a sumukat iti puwesto, sumaruno iti line of succession iti Senate president ken House speaker of the House of Representatives.
Daytoy ti umuna a gundaway a saan a dumar-ay ti bise-presidente iti SONA ni Presidente Marcos, a nagka-tandem idi 2022 elections.
Kabayatanna, immunan a kinumpirma dagiti tallo a nag-bise presidente ti pagilian a saan da a dumar-ay iti maikatlo a SONA ni Marcos. Kabilang ditoy da Leni Robredo, Jejomar Binay, ken Noli de Castro.
Saan pay met a kinumpirma ni sigud a Presidente Duterte nu dumar-ay iti SONA, ngem siguden a saan a dumar-dar-ay kadagiti SONA ni Presidente Marcos.
