LA UNION – Mabalin a sumango ni Vice President Sara Duterte iti multiple criminal charges malaksid pay iti disbarment complaint gapu iti panangi-pangta na ti biag da President Ferdinand Marcos Jr., First Lady Araneta-Marcos ken House Speaker Martin Romualdez.
Segun kenni Justice Secretary Margarita Gutierrez, maibasar iti legal experts, mabalin a maidatagan iti Bise Presidente ti libel, defamation ken grave threats gapu kadagiti pangta na.
Kinuna na a maad-adal itan iti panangidatag ti disbarment kontra iti Bise Presidente a maysa nga abogado agsipudta maibilang kunana nga unethical dagiti pangta na.
Siniguro met ti DOJ official a dagus na nga ipaaresto iti assassin iti kanito a madetermina dagiti imbestigador.
Binilin ti DOJ iti NBI nga usaren amin nga available resources tapno madetermina dagiti posible a suspek iti assassination plot nga imbaga ni VP Sara.
Maipalagip nga inwaragawag ni VP Sara iti maysa a press conference a maipagarop a nangipaay ti instruction iti maysa nga indibidwal tapno patayen iti Presidente, First Lady ken House Speaker, nu bilang umuna a matay daytoy.
