Nangipeksa iti panagdanag ni Bise Presidente Sara Duterte (VP Sara) kadagiti mapaspasamak ita ditoy Pilipinas.
Segun kenni VP Sara, kadkadlaw ita nu kasatno a maar-aramat dagiti institusyon ti gobierno ken buis dagiti Pilpino kontra kadagiti saan nga umanamong iti administrasyon.
Kinunana nga imbes nga ipamaysa dagiti pudno a problema ti pagilian ket maus-usar met iti posisyon tapno patalnaen dagiti kritiko.
Impaganetget ti Bise Presidente a nasken a masalakniban dagiti institusyon, saan laeng ti Senado ken Kamara, nu ketdi agraman dagiti miembro a Senador ken Kongresista.
Imbatad na a kastoy iti aramid ti gobierno tapno mailisi ken maakkoban dagiti kinakusit a nagtaud kadagiti flood control projects kasta met tapno ma-impeach isuna ken mailungalong ti Charter Change.
