Narestar dagiti walo kadagiti 14 a pulis a karaman iti panagrames ti maysa a babae nga agtawen ti 18 idiay Cavite.
Maibasar iti inisial nga imbestigasion dagiti otoridad, bayat iti kaadda ti biktima iti ruar ket inasitgan isuna ti maysa a grupo dagiti lallaki a nagpabigbig a kameng ti Canlubang PNP.
Pinilitda ti simrek iti balay, innala iti singsing ken cellphone ti biktima, ken rinames da pay daytoy.
Segun ti Police Regional Office IV-A, naarestar babaen ti naisayangkat a follow up dagiti suspek a nakadestino ti PNP PDEG SOU4A.
Narekobre kadagiti suspek dagiti paltog, bala, cellphone ken motor ti biktima ken sumagmamano a pakete ti mapapati nga ilegal a droga.
Agtultuloy met ti panagbirok kadagiti sumagmamano a pulis a karaman iti insidente.#
