LA UNION – Inarestar dagiti kameng ti San Fernando City Police Station iti naisayangkat a manhunt operation pasado alas 2:00 itay parbangon iti Barangay Tanqui ditoy syudad, iti maysa a retired seaman a sumangsango iti kaso nga attempted homicide.
Iti wanted person ket nabigbig iti nagan a Jihanger Mohammed, 50, addaan ti asawa, residente ti Barangay Langcuas, San Fernando City, La Union.
Natiliw babaen iti bileg ti warrant of arrest, napetsaan ti Oct. 17, 2017 nga impaulog ni Judge Imelda P. Cosalan ti MTCC Br. 1, San Fernando City, La Union gaputi gandat a pammapatay.
Ni Mohammed ket addan itan iti custodiya dagiti otoridad.
Kabayatanna, umabot ti P12,000 iti naituding a piyansa para iti temporaryo a pannakawaya-waya iti suspek.
