BR LA UNION – Kalpasan iti 25 tawen a panaglemmeng iti linteg, natiliwen dagiti otoridad iti wanted person nga addaan kaso a panaglabsing iti Presidential Decree 1866 wenno illegal possession, manufacture, dealing in, acquisition, or disposition of firearms, ammunition, or explosives.
Iti suspek ket agtawen ti 54, addaan asawa, maysa a mannalon ken residente ti Brgy. Sinapangan ili ti San Juan, La Union.
Naarestar daytoy agarop alas 6:30 ti sardam idi Hunyo 30, 2025 iti nasao met laeng a lugar.
Nakemmeg daytoy babaen iti bileg ti warrant of arrest nga inpaulog ni Hon. Robert T. Cahed, Presiding Judge iti Regional Trial Court, Branch 29 San Fernando, La Union idi Marso 7, 2000.
Nailatangan ti P200,000 a bail bond wenno piyansa para iti temporaryo a pannakawaya-waya na.
Nairecord iti pannaka-arestar ti suspek babaen ti Body Worn Camera.
Kabayatanna, iti suspek ket naiturong idiay Bacnotan District Hospital para iti medical examination kalpasanna ket naiturong met laeng iti San Juan Police Station para iti umno a dokumentasyon ken disposisyon.
