BR LA UNION – Natiliw iti maysa a wanted person idiay Brgy. Antonino, Balaoan La Union gaputi kaso a Reckless Imprudence Resulting in Serious Physical Injuries idi Marso 4, agarop ala una iti malem.
Nabigbig iti wanted person a ni Rodel Rante, agtawen ti 47, addaan asawa, driver ken residente ti Brgy. Sablut, Balaoan La Union.
Natiliw daytoy babaen iti naipaulog a warrant of arrest nga inyetnag ni Hon. Jesse Pannaso Cabrillos, Presiding Judge, Municipal Trial Court First Judicial Region, Balaoan La Union.
Nailatangan iti 36,000 a bail bond wenno piyansa para ti temporaryo a pannakawaya waya na.
Kabayatanna, iti nasao nga operasyon ket nairecord babaen iti Body Worn Camera.
Kalpasan iti pannakatiliw iti wanted person, naiturong daytoy idiay Balaoan Municipal Health para iti Medical examination, kalpasanna ket naiturong iti Balaoan Police Station para ti naan-anay a dokumentasyon ken disposisyon.
